Франциялик машхур футболчи Мбаппега "Монако"да қолишни маслаҳат берди

12 август, 11:10 233

Франциялик машхур футболчи Мбаппега

Франция терма жамоаси собиқ аъзоси Эрик Абидаль “Монако” ҳужумчиси Килиан Мбаппега жорий ёзги трансферлар даврида жамоасини ўзгартирмасликни маслаҳат бермоқда.

“Мбаппе ўзининг барқарор эканлигига ва ЖЧ-2018да иштирок этишга лойиқ эканлигига барчани ишонтириши керак. Айни дамда эса “Монако” унинг учун энг яхши жой. У ерда унга ортиқча босим ҳам бўлмайди ва у ўз ишини хотиржам амалга ошириши мумкин. Катта клубларда эса босим ҳар куни бўлади”, - дейди Абидаль.

Эслатиб ўтамиз, айни дамда ПСЖ  18 ёшли футболчини ўз сафига қўшиб олишга уринмоқда. Сўнгги хабарларга кўра эса Мбаппенинг ўзи ҳам фаолиятини парижликлар сафида давом эттиришга розилик берган.