Футбол қироли касалхонага ётқизилди

Бразилиялик уч карра жаҳон чемпиони Пеле касалхонага ётқизилди.

Mirror нашри тарқатган хабарга қараганда 77 ёшли футбол қироли чарчоқдан ҳушини йўқотган ва шифохонага олиб кетилган. Айни дамда у шифокорларнинг қатъий назорати остида қолмоқда.

Маълумот учун, Пеле 1958, 1962 ва 1970 йилларда жаҳон чемпионлигини қўлга киритган. У шунингдек ФИФА ҳамда ХОҚ томонидан сўнгги юз йилликнинг энг яхши спортчиси деб эълон қилинган. Пеле Бразилия терма жамоаси сафида жами 93та баҳсда иштирок этиб, рақиблари дарвозасига 77та гол уришга эришган.