Гамбург-2017: Баҳодир Жалолов рақибини 1 раундда ағдарди

Бироз аввал Гамбург шаҳрида давом этаётган бокс бўйича жаҳон чемпионатида энг оғир вазн тоифасида (+91 кг) юртимиз шарафини ҳимоя қилаётган Баҳодир Жалолов ўзининг турнирдаги илк жангини даниялик Ким Ларсенга қарши ўтказди.

Қизиқарли кечган беллашувда ҳамюртимиз ўйинни катта устунлик билан ўтказди ва рақибини ўзининг тезкор ва жуда кучли зарбалари билан "сийлади". Даниялик боксчи эса Баҳодирга 1 раунд ҳам туриб бера олмади ва Жалолов техник нокаут билан ғалаба қозонди.

Эслатиб ўтамиз, ушбу жанг ғолиби кейинги беллашувни 29 август куни кечки дастурда қозоғистонлик Камшибек Кункабаев ҳамда германиялик Макс Келлар жуфтлиги ғолибига қарши ўтказади.

• Гамбург-2017. Жаҳон чемпионатидаги барча жангларни жонли эфирда томоша қилинг!