Гамбург-2017: Боксчиларимизнинг рингга чиқиш вақтлари билан танишинг
Маълумки, бугун Германиянинг Гамбург шаҳри мезбонлик қилаётган бокс бўйича жаҳон чемпионатида тўртинчи кунги беллашувлари бўлиб ўтади.
Бугун мазкур қарама-қаршиликларда 5 нафар боксчимиз рингга кўтарилади.
Дастлаб, рингга вакилларимиздан 60 кг вазн тоифасида Элнур Абдураимов арманистонлик Карен Тонаканян рингга кўтарилади. Мазкур жанг Тошкент вақти билан соат 18:45да бошланиши режалаштирилган.
Соат 19:00да эса 69 кгда вазн тоифасида Шахрам Ғиёсов украиналик Легенли Барабанов билан куч синашади. Энг оғир вазнли боксчилари иштирокида қарама-қаршиликда эса Баҳодир Жалолов даниялик Ким Ларсенни синовдан ўтказади. Жанг 20:00да старт олади.
Шунингдек, кечки дастурда ўрин олган жангларда икки нафар боксчимиз кураш олиб боради. Кечки жанглар дастури Тошкент вақти билан 22:00да старт олади.
Бунда биринчи саралаш баҳсидан муваффақиятли ўтган Жасур Латипов (52 кг) иккинчи жангини болгариялик Даниэл Асеновга қарши ўтказади. Жанг 22:00га белгиланган.
Бугун вакилларимиз орасида сўнгги бўлиб рингга 81 кгда Бектемир Мелиқўзиев кўтарилади. Унга россиялик Муслим Гаджимагомедов рақиблик қилади. Жанг соат 23:45да бўлиб ўтиши режалаштирилган.
Боксчиларимизга омад тилаймиз.
Фикрлар