Гамбург-2017: Иқболжон Холдоровдан ажойиб ғалаба

Германиянинг Гамбург шаҳри мезбонлиқ қилаётган бокс бўйича жаҳон чемпионатининг учунчи кунги беллашувларида яна бир боксчимиз иштирокини бошлади.

64 кг вазнда юртимиз шарафини ҳимоя қилаётган Иқболжон Холдоров илк тўқнашувда анчайин кучли бўлган колумбиялик Жон Гутерресга қарши баҳс олиб борди.

Муросасиз кечган беллашувда ҳамюртимиз катта устунлик билан рақибини енгди ва хаттоки иккинчи раундда колумбиялик боксчини нокдаун ҳолатига ҳам тушуриб қўйишга еришди.

Ҳакамлар эса бир овоздон Холдоровнинг 5:0 ҳисобидаги ғалабасини қайд этишди.

Бироздан сўнг вакилларимиздан Санжар Турсунов (81 кг) рингга кўтарилса, кечки жанглар дастурида Ҳасанбой Дўсматов (49 кг) ва Исроил Мадримов (75 кг) ўз юришларини бошлайди.