Гамбург-2017: Ўзбекистон чорак финалчилар сони бўйича барчани ортда қолдирди
Бугун Германиянинг Гамбург шаҳрида давом этаётган бокс бўйича жаҳон чемпионатининг бешинчи кунги беллашувлари бўлиб ўтади.
Кечаги саралаш жангларидан сўнг чорак финалга йўл олган боксчиларимиз сони 9 нафарга етди.
Булар Ҳасанбой Дўсматов(49 кг), Жасурбек Латипов(52), Элнур Абдураимов(60 кг), Иқболжон Холдоров(64 кг), Шаҳрам Ғиёсов(69), Исроил Мадримов(75 кг), Бектемир Мелиқўзиев(81 кг), Санжар Турсунов(91 кг), Баҳодир Жалолов(+91 кг)лардир.
Эътиборлиси, ушбу турнирда иштирок этаётган бирорта мамлакатдан бунча кўп боксчи чорак финалга чиққани йўқ.
Жумладан, Куба терма жамоасидан 8 нафар боксчи ярим финал учун рингга чиқади. Яна бир азалий рақибимиз Қозоғистондан эса 7 нафар чарм қўлқоп устаси чорак финал баҳсларида иштирок этади.
Фикрлар