Гамейро 4 дақиқада 3та гол урганига ким ёрдам берганини айтди

Хабарингиз бор ўтган ҳафта сўнггида Испания чемпионатининг 23-тур учрашувлари бўлиб ўтди. Шу куни Хихоннинг “Спортинг” клуби мехмони бўлган “Атлетико” 1:4 ҳисобида ғалаба қозонди.

Таъкидлаш керакки “матрасчилар”нинг франциялик форварди Кевин Гамейро шу куни фантастик ўйин ўтказди. Учрашув якунланиб бораётган бир пайтда, аниқроғи 4 дақиқа ичида 3та гол уриб мадридликларга 3 очко олиб берди.

Ўйиндан сўнг Гамейро буларнинг барчаси қандай содир бўлгани ҳақида гапириб берди.

“Мен ҳозир оддий вазиятда эмасман. Албатта, гол уришим муҳим эди, бироқ, мен шу куни фақат бу нарса ҳақида ўйламадим. Яқинда бувим оламдан ўтди. Мен уни жудаям яхши кўрар эдим. Уччала голимни ҳам бувимга бағишлайман. Айнан у менга гол уришимга ёрдам берди”, - дейди Гамейро L'Equipe нашрига берган интервьюсида.