Гамшик "Наполи"да Марадонанинг рекордини йўққа чиқармоқчи

Италиянинг “Наполи” клуби ярим ҳимоячиси ва сардори Марек Гамшик неаполликлар сафида гол киритиш борасида Диего Марадонани ортда қолдирмоқчи. Қайд этиш лозимки, словакиялик футболчи А Сериянинг ўтган 7-турида “Кальяри” (3:0) дарвозасини ишғол этди ва ўзининг “Наполи” сафидаги голлари сонини 115тага етказиб олди. У бу кўрсатгич борасида аргентиналик футбол афсонасига тенглашиб олди.

“Мен чинданам Диегонинг рекордини йўққа чиқармоқчиман. Бироқ, мен учун жамоа манфаатлари биринчи ўринда туради. Шунинг учун бу рекордни қачон янгилашим муҳим эмас”, - дейди Гамшик Daily Mail нашрига берган интервьюсида.

Маълумот учун, 30 ёшли Гамшик “Наполи”даги фаолияти давомида жами 463та расмий учрашувларда майдонга тушган ва рақиблари дарвозасига 115та тўп киритишга эришган.

Фикрлар

Фикр қолдириш учун авторизациядан ўтинг!