Гари Кэхилл “Челси”ни тарк этиши мумкин

“Челси” жамоаси ҳимоячиси Гари Кэхилл шу ёзда клубни тарк этиши мумкин. Бу ҳақда Evening Standard нашри хабар бермоқда.

Маълумотларга кўра, футболчи ўз келажаги борасида “Челси”нинг янги бош мураббийи Маурицио Сарри билан гаплашиб олмоқчи. Шундан кейин у аниқ бир қарорга келади.

Айни вақтда лондонликлар “Ювентус” ҳимоячиси Даниэле Ругани билан музокара ўтказмоқда. 23 ёшли футболчининг “Челси”га келиши Кэхиллни хавотирга солмоқда.

Ўтган мавсумда 32 ёшли Гари Кэхилл Англия чемпионатининг 27 ўйинида майдонга тушиб, ҳеч қандай самарадорлик намойиш қилмади.