Горецка "Шальке"ни ақлдан оздирди

Германиянинг “Шальке-04” клуби раҳбарияти жамоа ярим ҳимоячиси Леон Горецкани таркибда сақлаб қолмоқчи ва бунинг учун футболчининг маошини йилига 10 млн еврогача оширмоқчи. Таъкидлаш лозимки, гельзенкирхенликлар аввал ҳеч бир футболчига бу қадар катта маош тўлашмаган.

Жамоа футболчиларининг ўртача йиллик маоши эса 2 млн еврони ташкил этади. Фақатгина Франко ди Санто ва Евгений Коноплянка бир йилда 4 млн евро маош олади.

Эслатиб ўтамиз, Горецканинг “Шальке” билан амалдаги шартномаси мавсум сўнггида ўз ниҳоясига етади. Германия терма жамоаси аъзосига Европанинг бир қатор кучли жамоалари қизиқиш билдирмоқда ва айни шу сабабли ҳам клуб раҳбарияти уни қандай қилиб бўлмасин ўзида сақлаб қолмоқчи.