Гвардиола: Биз забт этишимиз керак бўлган чўққи анча юқорида

“Манчестер Сити” жамоаси бош мураббийи Пеп Гвардиола “Ливерпуль”га қарши ўйин олдидан ўз шогирдларини мақтади. Унинг клуби дастлабки ўйинда “Ливерпуль”дан 0:3 ҳисобида енгилганди.

“Менинг жамоам ўзгача, уни бошқа клублар билан солиштириб бўлмайди. Футболчилар билан ишлаш эса жуда ёқимли. “Манчестер Юнайтед”га қарши ўйнаганимиздан кейин ҳам улардан мамнун қолгандим.

Европада ҳар қандай клуб билан курашишга тайёрмиз, аммо биз забт этишимиз керак бўлган чўққи анча юқорида. Кейинги босқичга чиқиш учун кўпроқ вақт керакдир. Бу мавсумда аввалгисидан яхшироқ бўлганимизни исботлай олдик. Олдинга юриш керак ва уни айнан ҳозир амалга ошириш зарур”, – деди Гвардиола.