Гвардиола: Мавсумни 100 очко билан якунламоқчимиз

“Манчестер Сити” жамоаси бош мураббийи Пеп Гвардиола “Брайтон”га қарши (3:1) ўйиндан кейин мавсумни 100 очко билан якунлаш истаги бор эканини яширмади.

“90-йиллардаги “МЮ”, 80-йиллардаги “Ливерпуль” билан бир қаторда туриш учун кўп совринлар ютиш кераклигига қўшиламан. Лекин рақамларга келадиган бўлсак, “Манчестер Сити”га тенг келадигани йўқ. Шу сабабли ҳам хурсандмиз.

97 очко – бу кўп ғалаба ва кўп голлар демакдир. Мавсумни аъло даражада ўтказдик. Янада ёрқинроқ натижага эришиш учун мавсумни 100 очко билан якунламоқчимиз. Бу идеал кўрсаткич бўларди”, – деди испаниялик мутахассис.