Гюндоган 8 ойлик танаффусдан сўнг илк марта майдонга тушди

Англиянинг “Манчестер Сити” клуби ярим ҳимоячиси Илкай Гюндоган узоқ муддатли танаффусдан сўнг яна майдонга қайтди.

Аниқроғи, 26 ёшли германиялик футболчи кеча бўлиб ўтган “Жирона” клубига қарши ўтказилган ўртоқлик учрашувининг 71-дақиқасида майдонга тушди. Таъкидлаш керакки, у “шаҳарликлар” таркибида сўнгги марта бундан 8 ой муқаддам, 2016 йилнинг декабрида “Уотфорд”га қарши ўйинда майдонга тушган эди.

Футболчи АПЛнинг навбатдаги турида бўлиб ўтадиган “Эвертон”га қарши баҳсда жамоасига ёрдам беришига ишонмоқда.