Ҳакамнинг ишини муҳокама қилган Санья қимматга тушди

Англиянинг "Манчестер Сити" клуби ҳимоячиси Бакари Санья ўзининг "Инстаграм"да қолдирган шарҳи учун Англия футбол ассоцацияси томонидан жаримага тортилди.
Эслатиб ўтамиз, франциялик футболчи премьер-лиганинг "Бёрнли"га қарши баҳсидан сўнг ўйинни бошқарган ҳакам Ли Мэйсондан норози эканлигини билдирмоқчи бўлиб, ўз "Инстаграм"ига "12 кишига қарши 10 киши ўйнадик" дея изоҳ қолдирган эди. Айтиш керакки ҳакам шу куни учрашувнинг биринчи бўлимидаёқ "шаҳарликлар" аъзоси Фернандиньони майдондан четлатган ва шундай бўлсада "Манчестер Сити" якунда 2:1 ҳисобида ғалаба қозонган эди.

Кейинроқ Санья бу сўзлари учун кечирим сўради. Бироқ, бугун FA (Англия футбол ассоцацияси) унга нисбатан 40 минг фунт стерлинг жарима қўллагани маълум бўлди.

Фикрлар

Фикр қолдириш учун авторизациядан ўтинг!