Иборра Испанияда чемпион бўлиш учун Англия клубларига ўтмади
Испания чемпионатида кучли учликда бораётган "Севилья" ярим ҳимоячиси Висенте Иборра Англия премьер-лигасига ўтиш таклифига рад жавобини берди.
- Иборрада ҳақиқатан АПЛга ўтиш имкония бор эди, - деди футболчининг агенти Марио Парри. - Бироқ, Висенте менга "Севилья"да бахтли эканини ва чемпион жамоада тўп сураётганини айтиб, таклифни қабул қилмади.
Журналистларнинг аниқлашича, Иборрага "Кристал Пэлас" жамоаси шартнома таклиф қилган экан.
29 ёшли футболчи "Севилья" билан 2020 йилнинг ёзигача давом этадиган шартномага эга. Жорий мавсумда марказий ярим ҳимоячи Ла лигада 16 та ўйинда 5 та гол урди.
Фикрлар