Ибрагимович Энтони Жошуага Брюс Ли жанг санъатини ўргатмоқчи

“Манчестер Юнайтед” клуби ҳужумчиси Златан Ибрагимович бокс бўйича оғир вазн тоифасида жаҳон чемпиони Энтони Жошуанинг Карлос Такам билан бўлган жангига ташриф буюрган. 35 ёшли футболчи рингга чиқишдан бош тортган, аммо унга Брюс Ли жанг санъати техникасини ўргатишга тайёрлигини маълум қилган.

– Бу ажойиб жанг бўлди. Мен у ердан аввалроқ кетишни маъқул кўрдим, аммо иккинчи боксчи ҳам яхши ишлади. Жошуага қарши рингга чиқиш? Йўқ, мен бундай қилмайман. Фақат унга ўргатишим мумкин. У Брюс Ли жанг санъатини ўрганишни хоҳласа бу қўлимдан келади, – дея Ибрагимовичнинг сўзларини келтиради GiveMeSport нашри.