Иброҳимович “МЮ”дан кетса энг катта маош оладиган футболчига айланади
Ўтган йили ёзда “Манчестер Юнайтед” таркибига қўшилган Златан Иброҳимович Англия премьер-лигаси ва Европа Лигасидаги ўйинлари орқали ҳамон ҳар қандай рақобатга бардош бериши ҳамда жамоага катта фойда келтира олишини исботлаб қўйди.
Гарчи Жозе Моуриньо швед ҳужумчисини бир йил ўйнатишни мўлжаллаган бўлса-да, “Манчестер Юнайтед” Златанни ўз сафида олиб қолмоқчи.
Иброҳимович “МЮ”даги фаолиятини якунласа, АҚШга кетиши мумкинлигини айтганди. “Лос-Анжелес Гэлакси” клуби ёзда Златан Иброҳимовични МЛС тарихида энг катта маош оладиган футболчига айлантирмоқчи.
Айни пайтда МЛСда энг катта маош оладиган футболчи бразилиялик Кака ҳисобланади. Унинг маоши йилига 7 миллион АҚШ долларини ташкил қилади. 35 ёшли Златан Иброҳимович ундан анча катта маошга лйиқлиги айтилмоқда.
Чунки Златан ҳозирнинг ўзида “Манчестер Юнайтед”дан йилига сал кам 11 миллион фунт олмоқда.
Фикрлар