Иброҳимович “МЮ”га олиб келинган суперҳужумчи билан учрашди
Англия премьер-лигасида иштирок этаётган “Манчестер Юнайтед”нинг бугунги кундаги энг ёрқин юлдузи Златан Иброҳимовичдир. Швециялик ҳужум мавсум давомида жуда муҳим голларни уриб, Жозе Моуриньо жамоаси учун ўта фойдали тўпурарга айланди.
Златан Иброҳимович “Манчестер Юнайтед”нинг бўлажак юлдузи дб тан олинган 16 ёшли италиялик Пьерпаоло Д'Эррико билан учрашди.
“Манчестер Юнайтед” мураббийлари Златан Иброҳимовични Италиянинг ҳаваскор лигаларидан олиб келинган футболчининг ўйинини баҳолашга таклиф этишди. Италиядаги ҳаваскор лигада жорий мавсумда 23 та гол урган ёш ҳужумчи “Манчестер Юнайтед”нинг 18 ёшгача футболчилардан таркиб топган жамоасида ҳам ўзини йўқотиб қўймади. У илк учрашувдаёқ рақиб дарвозасига учта гол урди.
Пьерпаоло Д'Эрриконинг ўйини Златан Иброҳимовичда ҳам катта таассурот қолдирди. Италиялик ёш футболчи эса ўзининг кумири бўлган швециялик тўпурар билан бирга суратга тушишга муваффақ бўлди.
Фикрлар