Игуаин: Ҳар йили бошқа жамоалар ҳақида гапирилади, якунда «Ювентус» чемпион бўлади

Италиянинг «Ювентус» клуби ҳужумчиси Гонсало Игуаин жамоадоши Леонардо Бонуччининг «Милан»га ўтиши ва жамоасининг скудетто учун курашдаги имкониятларини баҳолаб ўтди.

“Бонуччи узоқ йиллар давомида «Ювентус»га катта ёрдам бериб келган. Аммо у эндиликда рақиб жамоа таркибида тўп суради. Бизда унинг ўрнини билинтирмайдиган футболчилар етарли.

Бизнинг асосий рақибимиз – ўзимиз. Биз олти йил ичида қўлга киритган нарсаларимиз тасодиф эмаслигини исботлашимиз керак. Ҳар йили бошқа жамоалар ҳақида гапиришади. Бироқ якунда «Ювентус» чемпион бўлади”, – деб айтиб ўтди аргентиналик форвард.