Икки боксчимиз Россияда рингга чиқди
Россиянинг Воронеж шаҳрида ташкил этилган профессионал бокс кечаси доирасида бешта жанг ўтказилган. Жанглардан иккитасида ўзбекистонлик чарм қўлқоп усталари - Дилшодбек Комилов ва Аббос Муҳаммадйўлдошев мезбонларга қарши рингга чиқди.
Профессионал рингда илк жангини ўтказган Дилшодбек Комилов ҳали бу даражадаги жангларга тайёр эмаслиги кўриниб қолди. Бунгача профи рингда учта жанг ўтказган россиялик Антон Межуевга қарши рингга кўтарилган ҳамюртимиз иккинчи раунда жангни тўхтатди. Ўзбек боксчиси учун дебют омадсиз чиқди.
Бунгача Ўзбекистон профессионал боксчилари рейтингида биринчи ўринни эгаллаб турган Қудратилло Абдуқаҳҳоров ва Фаррух Файзиевга ютқазган Аббос Муҳаммадйўлдошев россиялик Пеле Садоянгга қарши жанг қилди. Тўрт раунд давом этган беллашув якунига кўра, ҳамюртимиз рақибига имкониятни бой берди.
Фикрлар