Илгари Чагаевни енгган боксчи яна иккита камарни қўлга киритди

Москвада ташкил этилган профессионал бокс кечасида россиялик машҳур боксчи Александр Поветкин (32-1-0, 23 КО) ва украиналик Андрей Руденко (31-3-0, 19 КО) ўзаро куч синашди.

WBO International ва WBA Continental камарлари учун ўтказилган беллашув 12 раунд давом этди.

Бироқ, украиналик чарм қўлқоп устаси жангга тўлиқ тайёр эмаслиги учрашув бошидан билиниб қолди. Руденко биринчи раундда бўйнидаги оғриқдан шикоят қилди. Узоқ муҳокамадан сўнг жанг давом эттирилди.

12 раундлик жангда фаол ҳаракатлари ва аниқ зарбалари билан ажралиб турган Александр Поветкин очколар ҳисобида ғалаба қозониб, ҳар икки камарни ўзиники қилди.

Александр Поветкин фаолияти давомида ўзбекистонлик жаҳон чемпиони Руслан Чагаевни ҳам мағлубиятга учратган.

SPORTS.uz

Фикрлар

Фикр қолдириш учун авторизациядан ўтинг!