Иньеста Хитой клубларидан бўлган супер таклифларни рад этди
Каталониянинг “Барселона” клуби сардори Андрес Иньеста қишки трансферлар даврида Хитой жамоаларидан бўлган таклифларни рад этди.
Mundo Deportivo нашри тарқатган хабарга кўра Чин юрти клублари 33-ёшли футболчига ҳозирги маошидан кўра бир неча баробар кўпроқ пул таклиф қилишган. Бироқ, Иньеста ҳозир “Барселона”ни тарк этмоқчи эмас. Қолаверса, жамоанинг янги бош мураббийи Эрнесто Вальверде ҳам “қария” футболчига ишонч билдирмоқда.
Маълумот учун, Иньеста жорий мавсум “Барселона” сафида жами 17та учрашувда иштирок этди ва ўз ҳисобига 1та гол ҳамда 1та голли узатма ёздириб қўйишга эришди.
Эслатиб ўтамиз, Иньеста жорий йилнинг октябрь ойида “Барселона” билан фаолиятининг сўнггига қадар бўлган шартномани имзолаган эди.
Фикрлар