Иньеста ўз келажаги ҳақида Испания кубоги финалидан сўнг эълон қилади

Каталониянинг “Барселона” клуби сардори Андрес Иньеста қачон ўз келажак режалари ҳақида эълон қилиши маълум бўлди.

Айтиш лозимки, каталонияликлар ўтган йили 33 ёшли испаниялик футболчи билан бир умрлик шартнома имзолашган эди. Ушбу келишувга кўра агар Иньеста 30 апрелга қадар жамоани огоҳлантирса, ушбу шартномани бекор қилиш ҳуқуқига эга. Унга кўра Иньеста ўзининг келажаги борасида 21 апрель куни “Севилья”га қарши бўлиб ўтадиган ўйин олдидан эълон қилади.

Эслатиб ўтамиз, бундан аввалроқ у Хитойнинг “Тяньцзинь Цюаньцзянь” жамоаси билан 3 йиллик келишувга эришгани борасида хабарлар тарқалган эди.