Иньестанинг қайси жамоага ўтиши маълум бўлди (фото)
Каталониянинг "Барселона" клуби сардори Андрес Иньеста жорий мавсум якунлангач Хитойнинг "Чунцин Дандай Лифань" жамоасига ўтади. Бу ҳақда Marca нашри хабар бермоқда.
Унга кўра 33 ёшли испаниялик футболчи янги клуби билан келишувга эришиб бўлган. Иньеста билан шахсан "Чунцин Дандай Лифань" клуби президенти Цзянь Лижаннгнинг ўзи музокара ўтказган.
Маълумот учун, Иньеста “Барселона” сафида 16 мавсумдан буён тўп суриб келмоқда. У бу вақт мобайнида жами 669та баҳсда иштирок этган ва рақиблари дарвозасига 56та гол киритишга эришган.
Фикрлар