"Интер" Пасторенинг агенти билан музокаралар ўтказди

Миланнинг “Интер” клуби раҳбарияти кеча ПСЖ ярим ҳимоячиси Хавьер Пасторенинг агенти билан музокаралар ўтказди.

Calciomercato нашрининг хабар беришича, аргентиналик футболчи миланликлар сафига кўчиб ўтишга тайёр, бироқ, бунинг учун “нерадзуррилар” аввал жамоанинг қайсидир аъзосидан воз кечиши лозим. Ушбу футболчи эса катта эҳтимол билан Жоау Мариу бўлиши мумкин. Боиси, ушбу футболчига МЮ, «Валенсия» ҳамда ПСЖ каби жамоалар жиддий қизиқиш билдиришмоқда.

Маълумот учун, Пасторе жорий мавсум Франция чемпионатида жами 11та учрашувда иштирок этиб, ўз ҳисобига 4та гол ҳамда 1та голли узатма ёздириб қўйишга эришган.