“Интер” чехиялик ёш форвардни сотиб олмоқчи

Миланнинг “Интер” клуби “Сампдория” ҳужумчиси Патрик Шикка жиддий қизиқиш билдирмоқда. Бу ҳақда италиялик машҳур журналист Жанлука Ди Марцио хабар бермоқда.

Таъкидлаш керакки “нерадзуррилар” раҳбарияти 21 ёшли чехиялик футболчи борасида музокараларни бошлаб юборган. Футболчининг агенти ҳам бу трансфер амалга ошишига ишонмоқда.

Маълумот учун, Шик бу мавсум “Сампдория” таркибида Италия А Сериясининг 18та учрашувида иштирок этиб, ўз ҳисобига 6та гол ёздириб қўйишга эришган.

Эслатиб ўтамиз, ҳужумчи “Сампдория”га ўтган мавсум “Спарта” клубидан 4 миллион еврога келиб қўшилган эди.