"Интер" ва "Ливерпуль" жамоалари "Барселона" футболчиси учун курашмоқда

Италиянинг “Интер” клуби “Барселона” ярим ҳимоячиси Рафинья Алькантарани ўз сафига қўшиб олмоқчи. 24 ёшли футболчини қўлга киритиш учун “нерадзуррилар”га “Ливерпуль” рақобат қилмоқда.

“Қизиллар” уни Коутиньонинг ўрнига олиб келишмоқчи. Зеро Коутиньо “Барселона” нигоҳи остида бўлиб турибди  ва унинг трансферининг бир қисми сифатида Рафинья “Ливерпуль” сафига келиб қўшилиши мумкин.

Илгарироқ, Алькантарага “Арсенал” ҳам “оғиз солгани” ҳақида хабарлар тарқалган эди.

Маълумот учун, Рафинья якунланган мавсумда Ла Лигада 18 та баҳсда майдонга тушди ва 6 та гол киритиб, икки голга ассистентлик қилди.