Испан клуби мухлислар камлиги сабаб, жаримага тортилди

Испания Ла Лигаси "Сельта" клубининг янги мавсумда ўз майдонида ўтган икки ўйинда мухлислар ташрифи оз бўлганлиги сабабли, клубни жаримага тортди.

Янги қонунга кўра, Ла Лига клублари телевидения трансляция қиладиган асосий камерага қарши тарафдаги секторларни камида 70 % ини мухлислар билан тўлдириши лозим бўлади.

Виго клуби эса айнан ушбу талабни бажара олмади. "Балаидос" стадионида ўтган икки турда мухлисларнинг ўртача ташрифи 17 172 нафарни ташкил этди.

Стадион сиғими эса 32 500 тага тенгдир. Энди "Сельта" ўз уйида  ўтадиган келгуси баҳс учун айнан камералар қаршисидаги секторларга чиқарилган чипталарни энг арзон нарҳ - 40 евродан сотмоқда.