Исроил Мадримов WSB ҳафталигининг энг яхши боксчисига даъвогарлар қаторида

Хабарингиз бор, ўтган дам олиш кунлари Бутунжаҳон бокс сериялари (WSB) VII мавсум чорак финал илк жанглари ўтказилди. Мазкур қарама-қаршиликларнинг бирида “Uzbek Tigers” Самарқандда амалдаги чемпион “Cuba Domadores” боксчиларини қабул қилиб, 3:2 ҳисобида зафар қучди.

• Исроил Мадримов кучли рақибини "пўстагини қоқди"

Мазкур жангларнинг 75 кг вазн тоифасида рингга кўтарилган Исроил Мадримов Рио Олимпиадаси ва жаҳон чемпиони Арлен Лопесни мағлуб қилди ва мусобақанинг “ҳафта боксчиси” номига даъвогарлар қаторидан ўрин олди.

Шунингдек, ушбу рўйхатдан “France Fighting Roosters” жамоасининг испаниялик аъзоси Самуэль Кармона ва “Astana Arlans” боксчиси Сапарбай Айдаров ўрин олишган.