Истомин Метц кортларини ларзага келтирди
Ўзбекистоннинг биринчи ракеткаси Денис Истомин Франциянинг Метц шаҳрида ташкиллаштирилган АТP туркумидан ўрин олган турнирдаги юришини бошлади.
Унга биринчи даврада турнирнинг еттинчи, жаҳоннинг 30-ракеткаси франциялик Решар Гаске рақиблик қилди. 1 соат 53 дақиқа давом этган қарама-қаршиликда ҳамюртимиз 1:6, 6:4, 6:4 ҳисобида ғалаба қозонди.
Шу тариқа, Денис мукофот жамғармаси 482 060 еврони ташкил этувчи турнирнинг иккинчи даврасига йўл олди. Унинг келгуси босқичдаги рақиби ҳақида кейинроқ батафсил хабар берамиз.
Фикрлар