Италия футбол федерацияси президенти терма жамоани бошқариши мумкин бўлган 5та мураббийни эълон қилди

Италия футбол федерацияси президенти Карло Тавеккио мамлакат бош жамоасини бошқариш учун бир нечта мутахассисларнинг номзодлари кўриб чиқилаётганлиги ҳақидаги хабарни тасдиқлади.

“Айни дамда биз қизиқиш билдираётган мутахассисларнинг барчасида энг камида ёзгача шартномаси бор. Биз эса уларнинг ҳеч бирига миллионлаб товон пули тўлай олмаймиз. Бироқ, биз уларнинг орасидан энг зўрини танлаймиз. Бизда Анчелотти, Конте, Аллегри, Раньери ва Манчиниларнинг номходлари бор», – дейди Тавеккио Football Italia нашрига берган интервьюсида.

Эслатиб ўтамиз, Италия терма жамоаси плей-оффда Швецияга имкониятни бой бериб, ЖЧ-2018 йўлланмасидан маҳрум бўлгач, терма жамоа бош мураббийи Жампьеро Вентура истеъфога чиқарилган эди.