ЖЧ-2018 чипталарининг энг кўпини Россия ва АҚШлик мухлислар сотиб олишди

ФИФА чипталар сотувининг сўнгги босқичи олдидан баъзи натижаларни эълон қилди.

Унга кўра ҳозирча деярли 1,7 миллион (1698 049) чипта ўз эгасини топиб бўлган. Табиийки уларнинг аксарияти, яъни 796 875 таси россиялик ишқибозларга насиб этган бўлса, 80 161 та чипта АҚШлик мухлислар томонидан харид қилинган. Кучли учликни эса 65 863 та чипта билан Бразилия эгаллаб турибди.

Шунингдек Колумбия (60199), Германия (55136), Мексика (51736), Аргентина (44882), Перу (38544), Хитой (36841), Австралия (34628) ва Англия (30711) чарм тўп ихлосмадлари ҳам бу борада етакчи ўринларда боришмоқда.

Фикрлар

Фикр қолдириш учун авторизациядан ўтинг!