Жан "Ювентус"нинг энг кўп маош олувчи футболчиларидан бирига айланиши мумкин

Туриннинг “Ювентус” клуби “Ливерпуль” ярим ҳимоячиси Эмре Жанга таклиф қилаётган шартнома шартлари маълум бўлди.

Calciomercato нашри тарқатган хабарга қараганда “кекса синьора” ёзда эркин агентга айланадиган германиялик футболчига 5 млн евро маош таклиф қилмоқда. Агар у ушбу таклифни қабул қилса, Гонсало Игуаин ҳамда Пауло Дибалалардан сўнг “Ювентус”нинг энг кўп маош олувчи футболчисига айланиши мумкин.

Маълумотларга кўра туринликлар Жанга 5 ёки 6 йиллик шартнома таклиф қилишмоқда. Ўз навбатида “Ливерпуль” ҳам тажрибали футболчисини осонликча қўйиб юбормоқчи эмас. Улар ҳам Жан билан шартномани узайтириш пайида юришибди.

Фикрлар

Фикр қолдириш учун авторизациядан ўтинг!