Жанжалкаш Бриггс Тайсон Фьюрини бир раундда нокаут қилмоқчи

Америкалик оғир вазнли боксчи Шеннон Бриггс WBA ва WBO версиялари бўйича собиқ жаҳон чемпиони Тайсон Фьюри билан рингда учрашадиган бўлса, биринчи раунднинг ўзидаёқ нокаутга учратишини таъкидлаб ўтган.

Аввалроқ Бриггз Фьюри билан жанг қилишни хоҳлаётганини айтиб ўтган эди, бироқ ўшанда британиялик боксчининг рингга қайтиш-қайтмаслиги номаълум эди. Фьюри келаси йилнинг баҳорида қайтишни режалаштирмоқда.

– Мен Тайсон Фьюрини бир раундда нокаут қиламан. Мен ана шундай кучли ураман. Спарринг рақибларимни дод дейди. Уларни шифохонага юбораман. Мен шуғулланишни тўхтатдим. Чунки жароҳатлар ва жабрланувчилар жуда кўпайиб кетди, – дея Бриггснинг сўзларини келтиради BoxingScene нашри.