Жасур Абдураимов: Барчаси учун раҳбарият ва футболчилардан миннатдорман

24 июнь,2017, 23:11 417

Жасур Абдураимов: Барчаси учун раҳбарият ва футболчилардан миннатдорман

"Обод" билан беллашувдан кейин "Пахтакор" мураббийи Жасур Абдураимов ўйин ҳақида фикрларини билдирди.

Олий лига. “Пахтакор” “Обод”ни йирик ҳисобда мағлуб этди

"Бугун яхши ўйин кўрсатдик. Жамоа футбол ўйнашга интилди. Ҳаракатларимиз ўхшади ва мақсадимизга эришдик. Сафардаги ўйинларда доим ғалаба учун ўйнадик. Қаердадир омадимиз келмади, оддий ҳолатларда тўп ўтказиб юбордик. Йигитларга бирга ишлаган пайтимиз учун раҳмат айтаман. Биз қийин вазиятда муносиб ишладик. Улар жамоага борларини беришга интилишди.

Раҳбариятга ҳам ишонч учун миннатдорчилик билдираман. Ўзимни синаб кўрдим, нималарни уддалай олишимни билиб олдим. Бу менга асқотади. Футболчиларда ўзига бўлган ишонч ортди. Шу сабабли ўйинимиз анча яхшиланди.

"Пахтакор" ҳаётимда катта ўрин тутган. Менга иш таклиф қилишса, клубда қолишни муҳокама қиламиз. Шунчаки юриб, маош олишни хоҳламайман. Мен чинакамига ишлашим лозим. Тер тўкадиган ишда меҳнат қилишга тайёрман", - деб айтиб ўтди Абдураимов.