Жасурбек Латипов “Cuba Domadores”га қарши учрашувни ўтказиб юборади

  • 23 январь, 2018, 11:42
  • 0
  • Бокс

9-10 феврал куни Бутунжаҳон бокс сериялари (WSB) янги мавсуми (VIII)га старт берилишидан хабарингиз бор. Мазкур мусобақада учинчи марта иштирок этаётган “Uzbek Tigers” гуруҳдаги илк учрашувни сафарда турнирнинг вице-чемпиони “Cuba Domadores” (Куба) боксчиларига қарши ўтказади.

Мазкур учрашув учун таркиб бир неча кун олдин эълон қилинган эди. Бироқ 52 кг вазн тоифасида асосий таркибдан ўрин олган боксчимиз Жасурбек Латипов бу жангни ўтказиб юборади. Сабаби боксчимиз айни дамда даволаниш жараёнини бошдан кечирмоқда. Боксчимиз феврал ойи охирларида тўлиқ сафга қайтиши кутилмоқда.

> "Uzbek Tigers" WSB VIII мавсум учун тўлиқ таркиби

Янги мавсум учун таркибга кучли боксчилар киритилган. Бу боксчиларнинг деярли ярми янги ҳисобланади. Сабаби ўтган йилги кўплаб боксчиларимиз профессионал боксга ўтиб кетишди. Умид қиламанки, улар ўзларига билдирилган ишончни оқлашади. Илк жангни даволанаётганим учун ўтказиб юбораман, – дейди Жасурбек Латипов SPORTS.uz интернет порталига.

Жасурбек Латипов (52 кг) ўрнини ушбу жанг захира таркибидаги Худойназар Файзов эгаллаши мумкин. Боксчимиз феврал ойининг охирларида тўлиқ сафга қайтиши кутилмоқда.

Эслатиб ўтамиз, “Uzbek Tigers” гуруҳда иккинчи жангни ҳам кубалик боксчиларга қарши ўтказади. Учрашув 23-24 феврал куни Тошкентда ташкил қилинади.

Фикрлар

Фикр қолдириш учун авторизациядан ўтинг!