Жеко Чемпионлар лигасида кетма-кет 5та ўйиндан буён гол урмоқда

Кеча Римда УЕФА Чемпионлар лигаси ярим финал жавоб баҳсидан ўрин олган “Рома” ҳамда “Ливерпуль” (4:2) жамоалари ўртасидаги учрашув бўлиб ўтди.

Шу куни римликлар сафида босниялик ҳужумчи Эдин Жеко ҳам ўз ҳисобига гол ёздириб қўйишга эришди. Эътиборлиси, ушбу гол 32 ёшли футболчи учун ЕЧЛдаги кетма-кет бешинчи ўйиндаги гол бўлди.

Эслатиб ўтиш лозимки, Жеко бундан аввал “Шахтёр”га, шунингдек “Барселона” ва “Ливерпул”га қарши кечган ҳар иккала ўйинларда ҳам ўз номини таблога ёздириб қўйишга эришган. У ЕЧЛнинг жорий мавсумида жами 8та голга муаллифлик қилди.