Жеко: "Ливерпуль" билан ҳам ҳудди "Барселона"даги каби сценарий такрорланишига ишонаман

Римнинг “Рома” клуби форварди Эдин Жеко “Ливерпул”га қарши УЕФА Чемпионлар лигаси ярим финал жавоб баҳсидан олдин ўз фикрларини билдириб ўтди.

“Барселона” билан ўйиндаги ҳисоб қайд этилиши мумкинлигига шахсан мен ишонаман. Бунинг учун биз ўйиннинг дастлабки дақиқалариданоқ бор кучимизни ишга солиб ҳаракат қилишимиз керак.

Мен аввалги ўйин ҳақида ўйлашни истамайман. Яхшиси, олға интилиш керак. Биз ўз уйимизда бошқача ўйнаймиз.

Мухлислар бизни худди “Барселона”га қарши ўйинда бўлгани каби қўллаб-қувватлаб туришса, биз ҳам керакли натижани қайд этишга ҳаракат қиламиз”, - дейди босниялик футболчи.

Эслатиб ўтамиз, ушбу жамоаларнинг “Энфильд”да кечган дастлабки ўйинида “Ливерпуль” 5:2 ҳисобида ғалаба қозонган эди.