"Женоа"нинг 16 ёшли футболчиси қандай қилиб тарихга кирди?

“Женоа” клуби ҳужумчиси Пьетро Пеллегри кеча А Сериянинг 4-турида бўлиб ўтган “Лацио”га (2:3) қарши баҳсда ўз ҳисобига дубл ёздириб қўйишга эришди.

Қайд этиш лозимки, 16 ёшли форвард А Серияда кетма-кет 2-учрашувида гол киритишни уддалади. У бундан аввалги турда “Рома” дарвозасига ҳам йўл топган эди.

Бундан ташқари у Европанинг кучли бешлик чемпионатларида XXI-асрда дубл қайд этган энг ёш футболчи бўлиб тарихга кирди.