"Женоа"нинг 16 ёшли ҳужумчиси "Монако"га ўтадиган бўлди

Италиянинг “Женоа” клуби форварди Пьетро Пеллегри “Монако” сафига ўтишга жуда яқин турибди.

Sky Sport Italia тарқатган хабарга қараганда томонлар 16 ёшли италиялик футболчининг трансфери борасида деярли келишувга эришишган. Унга кўра монаколиклар Пеллегри учун “Женоа”га бонуслар билан бирга 20-22 млн евро беришади.

Таъкидлаш лозимки, ушбу футболчи учун шунингдек “Ювентус” ҳам кураш олиб бораётган эди. Бироқ, туринликлар кейинчалик ушбу трансфердан воз кечишди.

Маълумот учун, Пеллегри жорий мавсум А Серияда жами 6та учрашувда майдонга тушган ва ўз ҳисобига 2та гол ёздириб қўйишга эришган.