Жоковични тахтга қайтарадиган инсон топилди
Новак Жокович жорий мавсумда бирорта ҳам совринни қўлга киритолгани йўқ. Жаҳон рейтингидаги пешқадамлик мавқеини ўтган йили британиялик Энди Маррейга бой берган Новак Жокович жорий мавсумда яна ўз ўрнига қайтишни режалаштираётган эди.
Бироқ, бу мавсумда Новакка қараганда Энди кўпроқ ғалаба қозонмоқда ва ўртадаги очколар фарқини ошириб бормоқда.
Дэвис кубоги мусобақасида Сербия терма жамоаси сардори бўлган Богдан Обрадович Новак Жоковични яна рейтинг етакчисига айлантиришини айтди.
- Жоковичнинг жамоаси сўнгги натижаларни чуқур таҳлил қилиб чиқиши керак, - деди Богдан Обрадович. - Мен бу борада ёрдам беришга тайёрман. Биз Новакнинг отаси билан бирга бир неча йил олдин унинг ҳамма муаммосини ҳал қилиб берган эдик. шундан кейин у жаҳоннинг биринчи рақамли теннисчиси бўлган. Бунга яна тайёрмиз.
Фикрлар