Жонатан исмли қаллоб Мануэль Пеллегрини ва Самир Насрини чув туширди

2015 йили Жонатан Реюбен исмли қаллоб “Манчестер Сити” нининг собиқ бош мураббийи Мануэль Пеллегринининг ҳамда жамоа ярим ҳимоячиси Самир Насринининг кредит карточкасидан 150 минг фунт стерлинг миқдоридаги маблағини ўзлаштириб олган.

Маълум бўлишича, Жонатан Реюбен 2015 йил сентябрь ойида Самир Насрига тегишли бўлган 20 минг фунт стерлинг атрофидаги пулни футболчининг банкдаги ҳисоб рақамидан ечиб олган. У футболчи билан ҳамкорлик қиладиган ушбу банкнинг Манчестер, Уиган, Болтон, Бери ҳамда Прествич шаҳарлардаги филиалларида юқоридаги қаллобликларини амалга оширган.

Бундан ташқари, Жонатан Реюбен Жонатан Девис номи билан ҳам бир қатор жиноий ишларга қўл урган. Ҳусусан, у "Манчестер Сити" собиқ бош мураббийи Мануэль Пеллегринининг кредит карточкасидан ҳам пул маблағларини ечиб олган. Насридан фарқли равишда жаноб Пеллигринининг 130 минг фунт стерлинг миқдоридаги маблағини Жонатан Реюбен ўзлаштириб олган.

Юқоридаги қаллобликлардан сўнг маҳаллий полиция Реюбенни ҳибсга олди ва суд унга 20 ой муддатлик қамоқ жазоси белгилаган.