Жўрабек Каримов ва Саидаъло Саидкаримов турнирни ғалаба билан бошлади
Қатарда Халқаро теннис федерацияси томонидан “Фьючерс” туркумига кирувчи турнирда Жўрабек Каримов ва Саидаъло Саидкаримов жуфтлик баҳсларининг чорак финалига йўл олди.
Турнирда улар Босния ва Герцеговина вакили Нерман Фатич ва польшалик Матеуш Терчинскига қарши кортга чиқди. Учрашувнинг бошлариданоқ ўйин тизгинин ўз қўлларига олган Жўрабек ва Саидаъло 6:3, 6:4 ҳисобида ғалаба қозонди.
Энди Жўрабек Каримов ва Саидаъло Саидкаримов чорак финалда франциялик Жейми Флойд Анжел ва Уго Умберни синовдан ўтказади.
Шунингдек, Жўрабек Каримов турнирнинг яккалик баҳсларида италиялик Мирко Кутилига қарши рақобатлашади.
Фикрлар