Жўрабек рус теннисчини таслим қилди
Истеъдодли теннисчимиз Жўрабек Каримов Туркияда ташкил этилган "Фьючерс" туркумидаги халқаро турнирнинг асосий тўрига чиқиш учун курашмоқда.
Дастлабки босқичда швейцариялик Севенир Штейнер устидан 6:0, 6:0 ҳисобида энг тезкор ғалабага эришган ўзбекистонлик ракетка устаси иккинчи даврада россиялик Иван Калинин билан рақобатлашди.
Ушбу учрашувда ҳам Жўрабек Каримов ҳужумкор ўйин кўрсатди ва рақибини 6:2, 6:2 ҳисобида таслим қилди.
Энди ҳамюртимиз саралашнинг сўнгги учрашувида канадалик Павел Крайникка қарши кортга чиқади. Агар ушбу баҳсда ҳам Жўрабек Каримов зафар қучса, асосий тўр беллашувларида қатнашиш ҳуқуқига эга бўлади.
Фикрлар