Жозе Моуриньо туғилган кунини қандай нишонлади (+Фото)

Кеча “Манчестер Юнайтед” бош мураббийи Жозе Моуриньо 54 ёшни қарши олди. Португалиялик футбол мутахассиси ўз туғилган кунини "қизил иблислар" билан биргаликда клуб автобусида нишонлади. Тажрибали мураббийнинг рафиқаси Матилде Моуриньонинг Twitter ижтимоий тармоғига жойлаган расмида Моуриньо ва ажойиб тарзда безатилган тортни кўришимиз мумкин.

“Халл Сити”га қарши баҳсда имкониятни бой бериб Лондондан қайтаётган “манкунияликлар” устозининг юзидаги табассумга қараганда, у мағлубиятдан хафа эмас. Чунки, унинг жамоаси ярим финал учрашувларининг якуний ҳисобига кўра финал йўлланмасини қўлга киритди.

Финал баҳси эса одатдагидек Лондондаги “Уэмбли” стадионида 26 февраль куни "Саутгемптон" ҳамда “Манчестер Юнайтед” жамоалари ўртасида бўлиб ўтади.