Жуфтлик баҳсида ҳамюртларимиз сараланган теннисчиларга қарши кортга чиқади

16 май, 19:35 122

Озарбойжон пойтахти Боку шаҳрида ўтказилаётган Ислом бирдамлик ўйинларининг теннис бўйича эркаклар ўртасидаги жуфтлик баҳсларига ҳам старт берилди.

Қуръа натижаларига кўра, ҳамюртларимиз Саидаъло Саидкаримов/Акмал Султонбеков жуфтлиги Саудия Арабистони вакилларига қарши баҳс олиб боришди. Вакилларимиз устунлигида кечган баҳс эса икки сет натижасига кўра 6-4 6-1 ҳисобидаги ғалаба билан якунланди.

Энди ҳамюртларимиз ярим финал босқичи олдидан қатарлик Зайид/Зайед жуфтлиги тўсиғини енгиб ўтиши лозим бўлади. Қайд этиш лозим, қатарлик теннисчилар сараланган спрортчилар қаторида тўғридан тўғри чорак финал босқичидан иштирок этишади.