КК-2017. Финалнинг энг яхши футболчисига совринни Россиянинг 2003 йилдаги энг гўзал аёли топширади
Бугун Россиянинг Санкт-Петербург шаҳридаги “Зенит-Арена” стадионида Конфедерациялар кубоги ўйинларига якун ясалади. Мазкур турнир финалига Чили хамда Германия терма жамоалари етиб келишди.
Ушбу финал баҳснининг энг яхши футболчиси учун аталган совринни ЖЧ-2018 турнири расмий элчиси, “Мисс Россия – 2003” танлови ғолиби Виктория Лопырева топширади.
“Барча футбол мухлислари сингари мен ҳам бугунги ўйинни интизорлик билан кутмоқдаман. Бу барчамиз кутган футбол байрамидир. Биз бунинг учун кўп тайёрландик. Бугун ким ғолиб бўлишини билиб оламиз. Ғолиб ким бўлиши мен учун ҳам аҳамиятли. Боиси, ўйиннинг энг яхши футболчиси айнан менинг қўлимдан махсус совринни олади” ,– деб айтиб ўтди Лопырева.
Фикрлар