Кака: "Реал"да ўзимни кўрсатишим учун Моуринью менга имкон бермаган

Бразилиялик футбол афсоналаридан бири Кака ўзининг “Реал”даги омадсиз фаолияти ҳақида эслаб ўтди.

“Мен 2009 йилда “Реал”нинг таклифини қабул қилдим ва шундан сўнг тўла-тўкис вайрон бўлдим. Чунки, бу ерда “Милан”да қилган ишларимни умуман қайтара олмадим.

Италияда мени ҳамма хурмат қиларди, Испанияда эса барча тезроқ кетишимни истади. Устига-устак Моуриньюдек мураббий билан ишлаш осон эмас эди. У менга имконият беришига умид қилардим, лекин бундай бўлмади. Мен ўзимни кўрсатишимга имконият бўлмади. Мен ўз устимда жуда кўп ишладим, тинмай ибодат қилдим. Лекин мураббий ишонч билдирмагач, у билан ишлашдан маъно йўқ эканлигини тушуниб етдим. “Реал”дан яна “Милан”га қайтганимдан жуда хурсанд эдим”, - дейди Кака.

Эслатиб ўтамиз, Кака 2009-2013 йилларда “Реал” шарафини ҳимоя қилган.