Карим Бензема ЖЧ–2018 да ўйнашга умид қилмоқда

Мадриднинг “Реал” жамоаси ҳужумчиси Карим Бензема Франция терма жамоаси сафида Россияда бўлиб ўтадиган ЖЧ–2018 турнирида иштирок этишга умид қилаётганини маълум қилди.

“Албатта, терма жамоа сафига қайтишни истайман. Қайси футболчи жаҳон чемпионатида иштирок этишни истамайди? Умид қиламанки, Франция термаси сафида Россиядаги мундиалда ўйнай оламан. Клубда бор кучимни беряпман. Якуний натижа қайдан бўлишини кутамиз”, – деди Бензема.

Аввалроқ франциялик таниқли мутахассис Ги Ру Франция термаси бош мураббийи Дидье Дешам ва Франция Футбол Федерацияси раҳбариятини Бенземани термага чақирмаётгани учун танқид қилганди.