Касильяс АПЛга йўл олиши мумкин
“Порту” клуби дарвозабони Икер Касильс фаолиятининг янги даврини бошлашга тайёр. Октябрь ойидан буён майдонга тушмаётган 36 ёшли футболчи кўпдан буён орзу қилган Англия премьер-лигасига кўчиб ўтишни режалаштирмоқда.
The Mirror нашри тарқатган хабарга кўра испаниялик посбон агентидан қишки трансферлар даврида ўзига туманли альбиондан янги жамоа топишни сўраган.
Берилган маълумотларга қараганда бу борада бир қатор инглиз жамоалари билан музокаралар ўтказилган. Айтиш лозимки, улар орасида “Вест Бромвич” клуби Касильясга жиддийроқ қизиқиш билдирмоқда.
Эслатиб ўтамиз, бундан аввалроқ Касильяс АҚШ чемпионатига йўл олиши мумкинлиги ҳақида хабарлар тарқалган эди.
Фикрлар